નશાના કારોબારનો પર્દાફાશ:અમદાવાદમાં એરપોર્ટ પોલીસ સ્ટેશનની હદમાં દેશી દારૂની ભઠ્ઠી પર PCBની રેડ, 9700 લીટર દારૂના વૉશનો નાશ કર્યો

Read Time:2 Minute, 9 Second

PCBએ દારૂ બનાવવા માટે વપરાતો 770 કિલો અખાદ્ય ગોળ કબ્જે કર્યો

અમદાવાદમાં એરપોર્ટ પોલીસ સ્ટેશનની હદમાં દેશી દારૂ બનાવવાની ભઠ્ઠી ચાલતી હતી. આ ભઠ્ઠી પર PCBએ દરોડા પાડીને હજારો લીટર દેશી દારૂ અને દારૂ બનાવવાની સામગ્રી કબજે કરી છે. તે ઉપરાંત કેટલીક વસ્તુઓનો સ્થળ પર જ નાશ કર્યો હતો. આ ભઠ્ઠી ચલાવનાર માં અને દીકરો હાલમાં ફરાર છે. પોલીસે તેમની વિરૂદ્ધ ગુનો નોંધીને વધુ કાર્યવાહી હાથ ધરવામાં આવશે.

દારૂ બનાવવાની સામગ્રી પોલીસે જપ્ત કરી

PCBને બાતમી મળતા રેડ કરી હતી
પ્રાપ્ત વિગતો પ્રમાણે અમદાવાદમાં એરપોર્ટ પોલીસ સ્ટેશનની હદમાં કોતરપુર ટર્નિંગની બાજુમાં આવેલ સાબરમતી નદીના પટની ડાબી બાજુ દૂષિત પાણીના વહેરા પાસે દેશી દારૂ બનાવવાની ભઠ્ઠી ચાલી રહી હતી. આ અંગે PCB ને બાતમી મળતા રેડ કરી હતી ત્યારે ત્યાં જમીનમાં દટાયેલા પીપડામાં દારૂ બનાવવામાં આવતો હતો. જેમાંથી 9700 લીટર દેશી દારૂનો વૉશ મળી આવ્યો હતો જેનો સ્થળ પર જ નાશ કરાયો હતો.

પીપડામાં દેશી દારૂ બનાવવામાં આવતો હતો

770 કિલો અખાદ્ય ગોળ કબ્જે કર્યો
પોલીસે દારૂ બનાવવા માટે વપરાતો 770 કિલો અખાદ્ય ગોળ કબ્જે કર્યો છે.દેશી દારૂની ભઠ્ઠી ચલાવનાર કમલા માલાવત અને ધર્મેન્દ્ર માલવત PCBની રેડની ખબર પડતાં જ ત્યાંથી ફરાર થઈ ગયા હતા. તેમની સામે ગુનો નોંધી પોલીસે શોધખોળ હાથ ધરી છે. જોકે એરપોર્ટ પોલીસ સ્ટેશનની હદમાં આટલી મોટી માત્રામાં દારૂ બનાવવાની ભઠ્ઠી જાહેરમાં હતી છતાં એરપોર્ટ પોલીસ અજાણ હતી. જેને લઈને સવાલો ઉભા થયાં છે.

#Naritunarayani